Yeni nazir kollektivə təqdim edilib

Yeni vergilər naziri Mikayıl Cabbarov bu gün kollektivə təqdim olunub.
 
APA-nın məlumatına görə, yeni naziri kollektivə Prezident Administrasiyasının rəhbəri Ramiz Mehdiyev təqdim edib.
 
R. Mehdiyev M. Cabbarova yeni vəzifəsində uğurlar arzulayıb, müvafiq tapşırıqlar verib.
 
M. Cabbarov kollektiv qarşısında çıxış edib.
 
Prezident İlham Əliyev dekabrın 5-də Fazil Məmmədovu vergilər naziri vəzifəsindən azad edərək, bu vəzifəyə Mikayıl Cabbarovu təyin edib. M. Cabbarov buna qədər təhsil naziri vəzifəsində çalışıb.