Silahlılar türk kafesinə hücum edib, 17 nəfər ölüb, 8 nəfər yaralanıb - Video

Eastnews.org-un verdiyi xəbərə görə, Burkina-Fasonun paytaxtı Uaqaduqu şəhərində naməlum silahlılar "İstanbul" kafesinə hücum edib.  

“AP” agentliyinin is verdiyi xəbərə əsasən, insident nəticəsində 17 nəfər ölüb, 8 nəfər yaralanıb. Ölənlərin vətəndaşlığı hələ ki, müəyyən edilməyib. Bundan əvvəl “Frans Press” agentliyi 3 nəfər, o cümlədən bir Türkiyə vətəndaşının öldüyü barədə məlumat yayıb.  

İlkin məlumata əsasən, üç silahlı Uaqaduqu şəhərindəki “İstanbul” kafesinə daxil olaraq odlu silahdan atəş açıblar. Hadisə yerinə ordu qüvvələri cəlb edilib, atışma baş verib.  Ordu tərəfindən keçirilən əməliyyatın nəticələri barədə hələ ki, məlumat verilmir.