Şəhid ailəsinin evi yandı - Video

Tərtərdə şəhid ailəsinin evi tamamilə yanıb.

"Report"un verdiyi məlumata görə, hadisə rayonun Seydimli kəndində baş verib. 33 yaşlı Məmmədov Elmin Asif oğluna məxsus ev elektrik naqilindəki qısaqapanma nəticəsində tamamilə yanıb. Alov o qədər güclü olub ki, evdən heç bir əşya çıxarmaq mümkün olmayıb.

Hadisə yerinə dərhal FHN-in Yanğından Mühafizə Qrupunun canlı qüvvəsi və 4 yanğınsöndürən maşını cəlb olunub. Alovun digər tikililərə keçməsinin qarşısı alınıb.

Qeyd edək ki, ümumilikdə ev sahibinə 30 min manat ziyan dəyib.

Faktla bağlı araşdırma aparılır.