Rusiya vətəndaşlığına keçid sistemi dəyişdirildi

Rusiya prezidenti Vladimir Putin Rusiya vətəndaşlığına keçidin asanlaşdırılması və terrorçuların vətəndaşlıqdan çıxarılmasını nəzərdə tutan qanun layihəsi imzalayıb.

Qanun layihəsində, əsəsən, ukraynalıların Rusiya vətəndaşlığı ala bilməsi üçün asanlaşdırılmış sistemin yaradılması nəzərdə tutulub.
Həmçinin, bundan sonra Rusiya vətəndaşlığına keçid etmək istəyən bütün şəxslər konsitutsiyaya and içəcək.

Yeni qanun layihəsi üzərində işlərə Peterbuq metorsunda baş verən terror hadisəsindən sonra start verilib. Belə ki, terrorçu olduğu iddia edilən Qırğızıstan doğumlu Əkbərcan Cəlilov Rusiya vətəndaşlığı aldıqdan sonra Peterburq metrosunda terror hadisəsi törətmişdi.

Prezident Vlamdimir Putin isə həmin terrorçunun vətəndaşlıqdan çıxarılması barədə aparılacaq bütün işlərin sürətləndirilməsinə dair təlimat vermişdi.