Özbəkistan Prezidentinin qızı yeni vəzifəyə təyin edildi

Özbəkistan Prezidenti Şavkat Mirziyoyevin qızı Saida Mirziyoyeva rabitə və informasiya siyasəti sektorunun müdiri təyin edilib.

Bu barədə Prezidentin mətbuat katibi Şirzod Əsədov məlumat verib.

Onun sözlərinə görə, Prezident Administrasiyasında yeni yaradılan sektor ictimai rəyin öyrənilməsi və informasiya siyasəti ilə məşğul olacaq.

S.Mirziyoyeva həmçinin sosial sahədə, mədəniyyət və təhsil sahələrində islahatların həyata keçirilməsinə nəzarət edəcək.