Orta maaş: Bakıda, ölkədə, Naxçıvanda

Bakı Şəhər Statistika İdarəsinin hesabatına görə, 2020-ci il noyabrın 1-nə paytaxtda muzdla işləyən şəxslərin orta aylıq nominal əməkhaqqı 926,7 manat olub. Novator.az bildirir ki, bu, ölkə üzrə analoji göstəricidən 222,2 manat çoxdur.

Azərbaycanda muzdla çalışanların orta aylıq maaşı ötən il noyabrın 1-nə 704,5 manat olub.

Eyni dövrdə Naxçıvan Muxtar Respublikası iqtisadiyyatında bir işçiyə hesablanmış orta aylıq əməkhaqqı 529,8 manat səviyyəsində rəsmiləşib. Muxtar respublikanın orta maaş göstəricisi paytaxtın göstəricisindən 396,9 manat, ölkə üzrə ümumi göstəricidən 174,7 manat geri qalır.