Məktəbli formaları bahalaşacaq

Yeni dərs ili ərəfəsində məktəbli formaları bir qədər də bahalaşacaq. Bu barədə “Bakı Tikiş Evi”nin direktor müavini Etibar Əzimov məlumat verib.

Onun sözlərinə görə, aşağı sinif şagirdləri üçün bir dəstin qiyməti 40 manat, yuxarı sinif şagirdləri üçün isə 46 manat təşkil edir: “Qiymət fərqi onunla əlaqədardır ki, yuxarı sinif şagirdlərinin paltarlarına daha çox parça sərf olunur”.

Xatırladaq ki, ötən il ibtidai sinif  şagirdləri üçün “Bakı Tikiş Evi” nin istehsal etdiyi məktəbli forması  37 manata satılırdı. Yuxarı siniflər üçün formanın qiyməti isə dəyişməyib.

Qeyd edək ki, şirkətdə konveyer üsulu ilə dörd modeldə məktəbli forması tikilir. Bunlar ilk 6 sinif üçün dama-dama ətəklər, tünd göy rəngli gödəkçə və şalvarlar, həmçinin yuxarı sinif şagirdləri üçün kostyumlar, pencəklər və sarafanlardır.

“Bu il məktəbli formalarının modellərində də dəyişiklik olmayacaq. Çünki əks təqdirdə valideynlər ötənilkiləri atıb yenilərini almaq məcburiyyətində qalacaqlar. Hər bir formanı məktəblilər azı 2 il geyinə bilirlər” – deyə E.Əzimov bildirib.

Rakurs TV