Məhkəmə AXCP fəalını ev dustaqlığına buraxmayıb

Məhkəmə AXCP fəalını ev dustaqlığına buraxmayıb

Cümə günü Bakı Apellyasiya Məhkəməsi Xalq Cəbhəsi Partiyasının fəalı Seymur Əhmədovun ev dustaqlığına keçirilməsi barədə şikayəti təmin etməyib. Bu barədə vəkil Elçin Sadıqov bildirib.

S.Əhmədov iyulun 15-də Qarabağ nümayişi ilə əlaqədar həbs edilib. Məhkəmədə o, bildirib ki, hüquqazidd hərəkətlərə yol verməyib və AXCP-yə üzv olması səbəbindən siyasi sifarişlə həbs edilib.

Lakin Apellyasiya Məhkəməsi S.Əhmədovun ev dustaqlığına keçirilməsindən imtina edilməsi barədə Nəsimi Rayon Məhkəməsinin qərarını qüvvədə saxlayıb.

S.Əhmədova qarşı CM-in 186.2.1 (zərərəkənin əmlakının zədələnməsi və ya məhv edilməsi), 233-cü (ictimai asayişin pozulması), 315-ci (polisə müqavimət göstərilməsi) və 127.2.1-ci (polis əməkdaşının sağlamlığına zərər vurulması) maddələri ilə ittiham irəli sürülüb.

Bu iş üzrə AXCP-nin daha 17 üzvü cəlb edilib. Onlar hüquq müdafiəçiləri tərəfindən siyasi məhbus kimi tanınıblar.

Facebook