Əksər bölgələrdə yağış yağacaq

Bakıda 25-32 dərəcə isti olacaq

Avqustun 18-i Bakı və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi bildirilir. Səhər yarımadanın bəzi yerlərində qısamüddətli yağış yağacağı ehtimal edilir.

Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, yarımadada gecə 22-25, gündüz 29-34, Bakıda gecə 23-25, gündüz 30-32 dərəcə isti olacaq.

Ölkənin əksər bölgələrində isə yağış gözlənir. Naxçıvan Muxtar Respublikası və bəzi dağlıq ərazilərdə yağıntının leysana çevriləcəyi ehtimal edilir. Gecə 16-21, gündüz 28-33, bəzi yerlərdə 36-37, dağlarda gecə 10-15, gündüz 18-23 dərəcə isti təxmin edilir.