12 July 2017

9 bank filialı fəaliyyətini dayandırıb

Bu ilin yanvar-may aylarında 9 bank filialı fəaliyyətini dayandırıb.

Maliyyə Bazarlarına Nəzarət Palatasının (MBNP) açıqladığı statistikaya görə, yanvar ayından mayın 31-dək bankların ümumilikdə 9 filialı fəaliyyətini dayandırıb.

Belə ki, əgər bu ilin yanvarın 1-nə ölkədə bankların filiallarının sayı 569 olubsa, mayın sonuna bu göstərici 560-a qədər azalıb.

Türkiyədə 15 iyul anım mərasimlərinə hücum hazırlayan İŞİD üzvləri yaxalandı

Eastnews.org-un verdiyi xəbərə görə, Türkiyədə 15 iyul dövlət çevrilişinin ildönümündə keçiriləcək anma mərasimlərinə qarşı hücum planlaşdıran İŞİD üzvlərinə qarşı əməliyyat keçirilib. Antiterror əməliyyatı İzmir və Mersində bölgələrində təşkil olunub. Keçirilən əməliyyat zamanı İzmirdə 22, Mersində 10 nəfər saxlanılıb.

Azәrbaycanın әn fәrqli vinneri - Video

Bu istedadlı gənc Mahmud Səfərovdur. O vinnerdir. Amma onun digər vinnerlərdən bir fərqi var. Mahmud uşaqlıqdan eşitmə və danışma məhdudiyyətlidir. Amma onun bu fərqi həyatda uğur qazanmasına mane olmayıb.  1996-cı ildə Bakıda doğulan Mahmud məhdudiyyətli olmasına baxmayaraq işarət dili ilə maraqlı vine-lər (15 saniyə müddətində çəkilən komik videolara vine deyilir) çəkərək sosial şəbəkələrdə paylaşır və artıq çoxsaylı izləyici kütləsinə sahibdir.