Amerikalı tədqiqatçılar bildirirlər ki, insanın əziyyət çəkdiyi təqribən 8 xəstəliyi müəyyən etmək üçün onun üzünə baxmaq kifayətdir.

Rakurs.tv məlumat verir ki, ilk növbədə üzün dərisi danışır. Məsələn, yeniyetməlik dövrünü geridə qoymuş insanın sifətində sızanaqlar və iltihab prosesi onun bağırsaq və mədəsində problemlərin olduğunu göstərir. Çox solğun dodaqlar orqanizmdə kəskin dəmir çatışmazlığından xəbər verir. Alın nahiyəsində üfüqi qırışlar dərin düşüncələrə dalmağın deyil, həzm problemlərinin əlamətidir. Şişkin sifət qalxanvarı vəzin fəaliyyətinin yoxlanılmasını tələb edir.

Quru saçlar orqanizmin B7 vitamininə, xroniki solğunluq B12 vitamininə ehtiyacı olduğunu göstərir.

Böyrəkləri daşdan təmizləməyin yolları

Adi cəfəri çox yaxşı sidikqovucu və iltihabəleyhinə xüsusiyyətlərə malikdir.

Xalq təbabətində böyrəkləri, sidik kisəsini və sidik yollarını qum və mikroblardan təmizləmək üçün cəfəri suyu istifadə olunur.
Bu suyun bir çox faydalı xüsusiyyətləri var. Cəfəri suyunun yağ yandırıcı xüsusiyyəti, dəriyə olan faydası, gənçləştirici və parlaq bir cild üçün istifadə edilir. Həmçinin cəfəri suyu qara ciyərlərdə yağlanmanın da qarşısını alır.

Cəfəri suyu necə hazırlanır?

1 dəstə cəfəri saplağı ilə birlikdə yuyulur, doğranılır, üzərinə yarım litr qaynar su tökülür, zəif odda 2-3 dəqiqə qaynatdıqdan sonra, 1 saat dəmlənir və süzülür. Hazırlanan bu cəfəri suyu ilıq olaraq, günün hər saatında arzuya görə istehlak edilir. Gecə yatmazdan 1 saat əvvəl içsəniz arıqlamaq üçün daha təsirli olacaqdır.