BMT-də Suriyanın lehinə, İsrailin əleyhinə qətnamə qəbul olunub

BMT-in Xüsusi Siyasi Məsələlər və Müstəmləkələşdirmə əleyhinə Məsələlər Komitəsi (4-cü komitə) işğal edilmiş Qolan yüksəklikləri ilə bağlı Suriyanın lehinə olan qətnamə layihəsi qəbul edib.

Sənədin lehinə 144 ölkə səs verib, 22 ölkə səsvermədə iştirak etməyib.

Əleyhinə səs verənlər isə yalnız ABŞ və İsrail olub.

Bundan sonrakı mərhələdə isə həmin qətnamə dekabr ayı ərzində Baş Assambleya tərəfindən gözdən keçirilməlidir.