EURO : 1,8841 TRY : 0,2955 USD : 1,7 RUB : 0,0266
ADO-nun icra hakimiyyəti ilə məhkəməsi başlayır

ADO-nun icra hakimiyyəti ilə məhkəməsi başlayır

Teatr Mədəniyyət Nazirliyini də məhkəməyə verib

 

Noyabrın 20-də 1 saylı Bakı İnzibati-İqtisadi Məhkəməsində ADO teatrının Bakı Şəhər İcra Hakimiyyətinə qarşı qaldırdığı məhkəmə iddiasının hazırlıq iclası olacaq.

 

Proses saat 11:30-da, hakim Tahirə Əsədovanın sədrliyi ilə açıq keçiriləcək.

 

İlk müstəqil teatr olan ADO (Azərbaycan Dağınıq Oda teatrı) 2 ildən çoxdur ki, küçə performansları nümayiş etdirmək üçün Mədəniyyət Nazirliyinə və Bakı Şəhər İcra Hakimiyyətinə rəsmi müraciətlər edir. Lakin hər iki qurum bunun onların səlahiyyətinə aid olmadığını vurğulayır.

 

Nazirlik bu məsələyə icra hakimiyyətinin, qarşı tərəf isə nazirliyin baxdığını bildirir.

 

Teatr bununla bağlı Mədəniyyət Nazirliyini də məhkəməyə verib. Hazırda ADO-nun hər iki quruma qarşı qaldırdığı məhkəmə prosesləri 1 Saylı Bakı İnzibati - İqtisadi Məhkəməsində keçirilir.

Facebook